Qatar "Masters" turnirini bitta bronza medali bilan yakunladik

Hozirgina -90 kg vazn toifasidagi dzyudochimiz Davlat Bobonov bronza medali yo'lidagi o'tish bahsida germaniyalik Eduard Trippelga qarshi tatamiga chiqdi va afsuski, mag'lubiyatga uchradi. Bu bilan u "Masters"da 7-o'rin bilan kifoyalandi va o'z hisobiga 468 reyting ochkosini qo'shib qo'ydi.    

Avvalroq, -100 kg vazndagi yurtdoshimiz Muhammadkarim Hurramov ham bronza medali yo'ldidagi o'tish bellashuvida rossiyalik Karen Adamyanga yutqazib, musobaqada 7-o'rin bilan kifoyalangan edi. Hurramov ham 468 reyting ochkosiga ega bo'ldi. 

SHu tariqa, Ilias Iliadis murabbiyligidagi O'zbekiston terma jamoasi Qatar "Masters" turniridagi ishtirokini tugatdi. Kecha musobaqaning ikkinchi kuni Hikmatulloh To'raev (-73 kg) tomonidan qo'lga kiritilgan bronza medali yagonaligini saqlab qoldi.