Qazaqstan Barysy Grand Slam. Bugun o'rta vaznli dzyudochilarimizdan medallar kutamiz

Mukofot jamg'armasi 154 000 evroni tashkil etuvchi nufuzli turnirda dunyoning 44 davlatdan kelgan 358 nafar dzyudochi medallar hamda jahon reytingi uchun beriladigan qimmatli ochkolar uchun bahslarga kirishishgan. 

Bugun Qazaqstan Barysy Grand Slam turnirining ikkinchi kuni o'rta vazn toifalarida bellashuvlar tashkil etiladi. Erkaklar o'rtasida -73, -81 kg, ayollarda esa -63 va -70 kg vaznlarda g'olib hamda sovrindorlar aniqlanadi. Bugun 5 nafar dzyudochimizga muxlislik qilamiz. Saralash bahslari soat 10:30da boshlanadi.  

Eslatib o'tamiz, kecha musobaqaning birinchi kuni -66 kg vazn toifasida yurtimiz sharafini himoya qilgan tajribali dzyudochimiz Muhriddin Tilovov bronza medalini qo'lga kiritgan edi. 

Dzyudochilarimizning ilk davradagi bellashuvlari:

-63 kg: Sevinch Isoqova — Skay Noester (JAR)

-70 kg: SHirinjon Yo'ldosheva — Nyam-Erdene Batsuuri (Mo'g'uliston)

-73 kg: Asadbek Norbo'taev — Fabiricio Espozito (Italiya)/ Barux SHmailov (Isroil)  

-73 kg: Muhammadyahyo  Muhammadjonov — Alberto Martin Gaytero (Ispaniya)

-81 kg: Nodirbek Mavlonberdiev — Li Jun Hvan (Koreya Respublikasi)