27 may 15:27
Yangiliklar

Boks/MMA, Kikboksing, Muaytay

Qo'l jangi. Sportchilarimizning Evropa Ochiq chempionatidagi muvaffaqiyati+FOTO

Belarus poytaxti Minsk shahrida qo'l jangi bo'yicha Evropa Ochiq chempionati o'tkazilmoqda.

O'zbekiston qo'l jangi federaciyasi matbuot xizmatining xabar berishicha, ushbu musobaqada o'zbekistonlik sportchilar ham muvaffaqiyatli tarzda ishtirok etishyapti.

Jumladan, 60 kg vazn toifasidagi hamyurtimiz SHahboz Tursunov, 65 kg vazndagi vakilimiz Olimjon Normurodov barcha raqiblarini mag'lubiyatga uchratib, shohsupaning eng yuqori pog'onasidan joy olishdi.

Finalga qadar mag'lubiyatsiz etib kelgan 45 kg vazndagi Zarina Olimjonova, 75 kgdan og'ir vaznda Madina Ergasheva, 75 kiloda Jahongir Jumaevlar kumush medal sohibi bo'lishdi.

Otabek Bobobekov (55 kg), Muhiddin Mamajonov (70 kg), Guljahon Normatova (50 kg), Maftuna Quvondiqova (55 kg), SHahnoza Nizomova (70 kg) hamda Robiya Qo'chqorova (75 kg) bronza medali bilan taqdirlanishdi.