Ramazon Temirov bilan jamoadosh qirg'izistonlik sportchi zaxira jangchisi sifatida UFC'ga qo'shildi

U ertaga tongda bo'lib o'tadigan UFC Fight Night turnirida oktagonga ko'tariladi.

Satibaldiev zaxira nomzodi sifatida slovakiyalik Martin Buday bilan to'qnash keladi. Buday aslida Kennedi Nzechukvu bilan jang qilishi kerak edi.

Qirg'izistonlik sportchi faoliyati davomida 9 ta jang o'tkazib, ularning barchasida g'olib bo'lgan. U yarim og'ir vazn toifasida LFA Ligasining amaldagi chempioni edi. Uran shuningdek, o'zbekistonlik Ramazon va Azizbek Temirovlar shug'ullanadigan Team Alpha Male zalida mashg'ulotlar olib boradi.