Raqibi Islam Dulatov nima uchun Abu-Dabidagi jangdan voz kechganini aytib berdi

"Uning jamoasi bizga u bilan MMAga umuman aloqasi bo'lmagan bodibilding bo'yicha murabbiy ishlaganini aytdi, — deya Turmanning so'zlarini keltiradi MMA  Fighting. — Ular bu murabbiy unga qandaydir kokteyllar berganini va shundan so'ng uning ahvoli yomonlashganini aytishdi. Nega u bizning sohamizdan bo'lmagan murabbiy bilan ishlaganini tushunmayapman... Insonning qo'lida kerak bo'lishi mumkin bo'lgan hamma narsa bor. UFC Performance Institute bor, uning mutaxassislari sportchining jang oqshomiga eng yaxshi holatda etib kelishi uchun to'liq reja ishlab chiqishi mumkin... Lekin u kasal bo'lib qolsa, hech narsa qilib bo'lmaydi. Unga tezroq sog'ayib ketishini tilayman va tez orada qaytishiga umid qilaman".

Turman, shuningdek, Dulatov bilan keyinroq, masalan, 24 oktyabr kuni Abu-Dabida bo'lib o'tadigan UFC 333 turnirida uchrashishga tayyorligini bildirdi. "Umid qilamanki, u xuddi shu xatoni takrorlamaydi va UFC Performance Institute mutaxassislarining maslahatlariga quloq soladi", — dedi braziliyalik jangchi.