Rasman. Bobousmon Baturovning prof ringdagi debyut jangi tasdiqlandi

O'zbekistonlik 28 yoshli bokschi, havaskorlar o'rtasida Osiyo chempioni (2019, 2021), Jahon chempionatining bronza medali sohibi (2019) 11 dekabr kuni Rossiyaning Ekaterinburg shahrida RCC Boxing promouterlik kompaniyasi tomonidan tashkil etiladigan turnirda ringga ko'tariladi. 

Aynan Bobousmon ishtirokidagi jang boks oqshomini ochib beradi. O'sha kuni unga mezbonlar vakili Artyom Pugach (1-2-2) raqiblik qiladi. Ushbu turnirda yana bir charm qo'lqop ustamiz Abdulaziz Matazimov (14-7, 7 KOs) ham o'z jangini o'tkazadi. Xonobodlik bokschimiz rossiyalik Saveliy Sadoma (1-0)ga qarshi ringga chiqadi. 

Besh ming tomoshabinga mo'ljallangan DIVS arenadagi kechaning markaziy jangi birinchi o'rta vazn toifasi reytingida beshinchi o'rinni egallab turgan rossiyalik Magomed Kurbanov ishtirokida bo'lib o'tadi. U venesuelalik Xoan Gonsalesga qarshi jang qiladi.

RCC Boxing Production oqshomining to'liq kardi:

Bobousmon Baturov (debyut) Jizzax, O'zbekiston — Artyom Pugach (1-2)  Moskva, Rossiya

Saveliy Sadoma (1-0) Komsomolsk-na-Amure, Rossiya — Abdulaziz Matazimov (14-7, 7 KOs) Xonobod, O'zbekiston

Georgiy Yunovidov (6-0, 3 KOs) Rostov-na-Donu, Rossiya — Vikapita Meroro (30-13, 15 KOs) Vindxuk, Namibiya

Ivan Kozlovskiy (6-0, 3 KOs) Novosibirsk, Rossiya — Avak Uzlyan (5-1-1, 2 KOs) Dolgoprudniy, Rossiya

Asror Voxidov (10-1, 6 KOs) Sankt-Peterburg, Rossiya — Armen Ataev (7-4-1, 4 KOs) Kislovodsk, Rossiya

Igor Adleyba (13-0-2, 5 KOs) Suxum, Abxaziya — Maksim CHernichuk (4-0, 1 KO) Dmitrov, Rossiya

Elnur Samedov (14-1, 5 Kos) Ekaterinburg, Rossiya — Mussa Golam (19-0, 12 KOs) Ospitalet, Ispaniya

Evgeniy Tishenko (10-1, 7 KOs) Ekaterinburg, Rossiya — Artur Mann (19-2, 10 KOs) Gannover, Germaniya

Xorxe Linares (47-7, 29 Kos) Barinas, Venesuela — Jora Amazaryan (12-3-2, 9 Kos) Ekaterinburg, Rossiya

Magomed Kurbanov (23-0, 13 KOs) Ekaterinburg, Rossiya — Xoan Gonsales (31-1, 31 KOs) Guigue, Venesuela