17 noy 08:15
Yangiliklar

Boks/MMA

Rasman. Tagir Ulanbekov UFC 296 turnirida jang qiladi + POSTER

17 dekabr kuni AQSHning Las-Vegas shahrida joylashgan "T-Mobile Arena" majmuasida UFC 296 musobaqasi bo'lib o'tadi.

Tashkilotchilar musobaqadan o'rin olgan navbatdagi jangni elon qilishdi. Unga ko'ra, o'ta engil vaznda rossiyalik aralash yakka kurash ustasi Tagir Ulanbekov (14-2-0) UFC 296 turnirida oktagonga ko'tariladi. Unga o'sha kuni amerikalik Kodi Darden (16-4-1) raqiblik qiladi. Jang prelim kard doirasida 3 raunddan iborat bo'ladi.

Malumot o'rnida, UFC 296 turnirining markaziy jangi yarim o'rta vazn chempionligi uchun Leon Edvards hamda Kolbi Kovington o'rtasida kechadi.

Eslatib o'tamiz, Tagir Ulanbekov so'nggi jangini 2022 yilning 6 noyabr kuni amerikalik Neyt Manessga qarshi o'tkazib, birinchi raunddayoq g'alabaga erishgan edi. Kodi Darden esa oxirgi jangini shu yil avgust oyida Jek Xedliga qarshi o'tkazib, ochkolar hisobiga ko'ra g'olib bo'lgan edi.