17 apr 09:03
Yangiliklar

Qishki sport turlari

Rasman: Uchta jahon chempionati ham bekor qilindi

Xalqaro konkichilar ittifoqi (ISU) rasman figurali uchish bo'yicha jahon chempionatini bekor qildi.

Bunga kutilganidek, koronavirus pandemiyasi sabab bo'ldi. Jahon chempionatiga Kanadaning Monreal shahri mezbonlik qilishi kerak edi. Tashkilot dunyo birinchiligini oktyabr-dekabr oylari oralig'ida o'tkazishni rejalashtirgandi. Yakunda ISU jahon chempionatini umuman o'tkazilmaslikka qaror qildi.

Bundan tashqari, short-trek (Seul, 13–15 mart) va konkida sinxron uchish (Leyk-Plesid, 3–5 aprel) bo'yicha jahon chempionatlari ham bekor qilindi.