Rasman! UFC 330 turnirining asosiy jangini kim sug'urtalashi malum

Divizion reytingida uchinchi o'rinni egallab turgan Maykl Morales 16 kundan so'ng Filadelfiyada bo'lib o'tadigan UFC 330 turnirining rasmiy vazn o'lchash marosimida ishtirok etadi. U tadbirning asosiy jangini sug'urtalovchi (zaxira) jangchi sifatida qatnashadi. 

Bu haqda mag'lubiyat nimaligini bilmay kelayotgan ekvadorlik jangchining o'zi MMA Junkie nashriga bergan intervyusida malum qildi.

"Menga Islam va Ien o'rtasidagi jangni kutishimni, shundan so'ng navbatdagi davogar bo'lishimni aytishdi. Hozir meni ulardan biri vazn qila olmasa yoki jangda qatnasha olmasa, o'rniga chiqishim uchun zaxira jangchisi etib tayinlashdi. Agar shunday bo'lsa, men darhol o'ringa chiqaman. Demak, yo hozir chempionlik uchun jang qilaman yoki yana bir jangni kutib, keyin chempionlik kamari uchun kurashaman. Boshqa variant qolmadi", – dedi Morales.

O'tgan oyda Maykl Morales Karlos Legaspi bilan suhbatda ushbu raqamli turnir doirasida navbatdagi jangini o'tkazishini aytgan va raqibi braziliyalik Karlos Prates bo'lishi mumkinligini istisno etmagan edi. Biroq, 16 avgust kuni ekvadorlik jangchi oktagonga faqat asosiy jang uchun o'rinbosar kerak bo'lgandagina chiqadi, unga tayinlangan janglar haqidagi barcha xabarlar esa haqiqatga to'g'ri kelmaydi.

Ayni damda 27 yoshli jangchi UFC`da etti g'alabadan iborat seriyani qayd etmoqda. U o'zining so'nggi jangida amerikalik SHon Bredini birinchi raunddayoq texnik nokaut evaziga mag'lub etgan edi.