Rasman! Usman Nurmagomedov - Pol Xyuz revansh jangi elon qilindi

Ushbu jang 3 oktyabr kuni BAAning Dubay shahrida bo'lib o'tadi. CHempionlik jangi markaziy maqomda bo'ladi. G'olib engil vaznda PFL chempionlik kamarini qo'lga kiritadi. Bundan etti oy oldin o'tkazilgan jangda Nurmagomedov hakamlarning ko'pchilik ovozi bilan Xyuzni mag'lubiyatga uchratgan edi. 

SHu yilning may oyida irlandiyalik aralash yakkakurash ustasi g'alaba bilan qayta oldi. U o'z vatani Belfastda o'tgan turnirda braziliyalik Bruno Mirandani 42 soniyadayoq nokautga uchratdi. Usman esa o'sha ilk jangdan beri hali oktagonga qaytmadi. 

3 oktyabr kungi turnirning co-main event jangi ham chempionlik maqomida bo'ladi. Yarimog'ir vazn toifasida tashkil etiladigan to'qnashuvda sobiq Bellator chempioni Kori Anderson PFL mavsumining o'tgan yilgi g'olibi turkmanistonlik Dovletjan Yagshimuradovga qarshi oktagonga chiqadi. Bu jang ham revansh maqomiga ega bo'lib, 2021 yilning aprel oyida Bellator turniri doirasida o'tgan bahsda Anderson uchinchi raundda texnik nokaut evaziga zafar quchgandi. 

Bundan tashqari, Dubaydagi ushbu turnirning yana bir jangi ham rasman tasdig'ini topdi. Sobiq UFC jangchilari rossiyalik Zubayra Tuxugov hamda Irlandiya sharafini himoya qiladigan rus aralash yakkakurash ustasi Artyom Lobov o'zaro hisob-kitob qilib olishadi.