Rayan Garciya Isaak Kruzdan shartnoma imzolashini so'radi

Rayan Garsiya ringga qaytishidagi ilk jangini Isaak Kruzga qarshi bo'lishini talab qilmoqda.

«Rayan divizionda katta xavf tug'diradigan jangchi bo'lmagan, u ko'proq video olish va Instagramda obunachilarga ega bo'lishga etibor qaratgan. Ammo agar u jang qilmoqchi bo'lsa, menga yaqinlashsin», - degan edi Kruz dekabr oxirida DAZN nashriga bergan intervyusida.

«Isaak Kruz, siz mening jag'im shishadan ekanligini, men faqat Instagramga etibor qaratishmni aytdingiz aytdingiz. Keling, shartnomani imzolaganingizdan so'ng jag'im nimadan iboratligini bilib olasiz. SHartnoma imozlash o'rniga, berayotgan intervyularingizdan charchadim», - dedi bunga javoban Rayan.

"Golden Boy Promotions" prezidenti Erik Gomesning so'zlariga ko'ra, Garciya bahorda qaytadi.

«Garciya bir yildan ortiq vaqtdan beri ringdan tashqarida. U haqiqatan ham Isaak Kruz bilan jang qilmoqchi», - dedi Gomes Keyin Manniksning podkastida.

Keyin Manniks Gomesdan so'radi: «Sizningcha, qo'li cingan yigitning boshi po'latdan yasalgan yigit (Kruz)ga qarshi kurashishi yaxshi fikrmi?»

Gomes shunday javob berdi: «Yo'q... Men bunday deb o'ylamayman. Ammo, bir narsa aniqki, bazida jangchilar biz ko'rmaydigan narsani ko'rishadi. Lekin, har qanday sababga ko'ra, u shunchaki g'alaba qozonmoqda va u yigit bilan jang qilishni xohlaydi. Men engilroq jang qilishni afzal ko'raman. SHuning uchun hozir biz uning oldiga boramiz va u bilan potencial raqiblar haqida gaplashamiz, lekin u mart yoki aprelda qaytadi», - dedi Gomes.