Rayan Garsiya Isaak Krusga qarshi jang qilishni istaydi

Ijtimoiy tarmoq yulduzi, boks muxlislarining sevimlisiga aylangan Rayan Garsiya 1998 yilda Amerikaning Kaliforniya shtatida tug'ilgan. Bolaligidan boksga qiziqa boshlagan Rayan etti yoshidan boks maktabiga bora boshlaydi. Oz muddatdan keyin u xavaskor boksda jang qilgan. 

U erda yosh Rayan xozirgi engil vaznning WVC chempioni Devin Xeyni bilan olti bor to'qnash keladi va ularning uchtasida g'alaba qozonadi. Qolgan uchtasida Devinning qo'li baland kelgan. SHuning uchun Garciya xar qanday holatda Devin bilan professional ringda jang qilishga tayyor ekanligini ko'p bora takidlagan. 

Professional boksga ilk qadam

2016 yil u professional boksda debyut qiladi va yosh bo'lishiga qaramay, Rayan birinchi raunddayoq meksikalik Edgar Mezani nokautga uchratadi. U hozirgacha 21ta jang o'tkazib, ularning 18tasida nokaut qayd etgan . Bu bilan u to'xtab qolmoqchi emas. Jismoniy taraflama Garsiya ancha tezkor, chidamli va og'ir zarbaga ega bokschi. 

Kempbell bilan kechgan murosasiz jang 

So'nggi jangida Garsiya engil vaznda vaqtinchalik WVC  chempioni britaniyalik Lyuk Kempbell bilan to'qnash keldi. Jang Rayan uchun kutilmagan tarzda boshlandi. Ikkinchi raundda Kempbell Garsiyani nokdaun holatiga tushirib qo'ydi. Ammo 24 yoshli charm qo'lqop ustasi o'zining jismoniy tarafdan kuchli ekanligini isbotlay oldi va tezda o'rnidan turdi. Kempbell yana zarbalar yo'llashdan to'xtamadi. Ushbu jang amerikalik bokschi uchun oson kechmadi. SHunga qaramay, u ettinchi raundda britaniyalik raqibini texnik nokautga uchratdi va vaqtinchalik WVC chempioniga aylandi.

Garsiya Isaak Krus bilan jang qilishni istaydi

Turgan gap, endilikda istedodli bokschi chempionlik kamarini qo'lga kiritishga harakat qiladi. Buning uchun u WVC chempioni Devin Xeyni bilan jang qilmoqchi. Ammo Xeynigacha amerikalik bokschi Isaak Krus bilan jang qilish niyati borligini ijtimoiy tarmoqlarda yashirmagan. 

Xo'sh! Bu jang amalga oshsa Garsiyaga ancha qiyin bo'lishi aniq. Sababi jahon reytingida 8-o'rinni band etib turgan meksikalik jangchi, Isaak Krus anchagina jiddiy raqib. Professional boksda Krus 25ta jangida 22 g'alaba, 2 mag'lubiyat va 1 durang qayd etgan. Jismoniy tarafdan olib qarasak, meksikalik charm qo'lqop ustasi aniq va tezkor zarbalar egasi. Ximoya masalasida ham Krus taxmin qilinayotgan raqibi Garsiyaga bosh og'riq bo'ladi. Ikki bir biriga qarama-karshi bokschilar o'rtasidagi jang qiziqarli o'tishi aniq. Bu jang tashkil etilsa, engil vazn anchagina qiziqarli tus olishi mumkin. Xozirda Rayan Garsiya WBC reytingida Lomachenkodan keyin ikkinchi o'rinda bormoqda.

Kamron Hasanov tayyorladi