Razambek Jamalov: "Bundan keyin ham ishonchingizni oqlashga va Vatanimiz bayrog'ini hamisha yuqori cho'qqida olib yurishga bor kuchim bilan kurashaman"

"Assalomu alaykum, hurmatli o'zbek sporti muxlislari! Olimpiadadan oldin va bir necha kun davomida Siz azizlarning tinimsiz qo'llab-quvvatlashingizni, men uchun qayg'urib muxlislik qilganingizni doim his qilib turdim. Muhtaram Prezidentimiz bizga Olimpiadaga tayyorgarlik davomida barcha sharoitlarni yaratib berdilar va bu amalda o'zining samarasini ko'rsatdi. O'zbekistonimizga yorug' yuz bilan, erkin kurash sportida Siz azizlar uzoq kutgan oltin medal qaytdik. O'z oldimizga qo'ygan maqsadlarni sidqi dildan barajib, barchangizni xursand qildik. Inshallah, bundan keyin ham ishonchingizni oqlashga va Vatanimiz bayrog'ini hamisha yuqori cho'qqida olib yurishga bor kuchim bilan kurashaman. Men Parij-2024 Olimpiadasida yozilgan tarixning bir bo'lagi ekanimdan faxrlanaman!", deb yozdi Jamalov.