Rishod Sobirov: "Uchinchi Olimpiadamda oltin medalni qo'lga kiritmoqchiman"

"O'ylaymanki, tayyorgarligimiz juda yaxshi bo'ldi. Avvalambor, buning uchun ustozlarimga minnatdorchilik bildiraman. To'rt yil davomida bizga qo'ldan kelganicha bilgan uslublarini o'rgatdilar.

Qolaversa, O'zbekiston dzyudo federaciyasi rahbariyatiga ham rahmat.  Raqiblarimizni o'rganib chiqdik. Uchinchi Olimpiadamda oltin medalni qo'lga kiritmoqchiman.

Ortimizda xalqim, prezidentim turganini his qilgan holda g'alaba qozonishni maqsad qilib gilamga chiqaman.

Jismoniy holatimiz ham bunga tayyor deb o'ylayman", - deydi Pekin-2008 o'yinlari bronza medali sohibi Rishod Sobirov.