“Rolan Garros” oldidan: Denis Istomin ushbu musobaqada qanday ishtirok etgan?

Ko'p yillardan buyon O'zbekistonning birinchi raqamli tennischisi bo'lib kelayotgan Denis Istomin xam ushbu musobaqaning asosiy to'rida ishtirok etadi. Keling, xamyurtimizning ushbu musobaqadagi ishtiroki tarixiga bir nazar solib o'tsak.

Denis Istomin "Rolan Garros"da 2008 yildan buyon muntazam ishtirok etib keladi. O'sha yili Istomin saralash bahslarida ishtirok etadi va ilk davrada (2008 yilning 20 may) avstraliyalik Jozef Sirianniga ikki setda 3/6, 3/6 xisobida mag'lubiyatga uchraydi. SHundan so'ng yurtimizda o'tkazilgan Qarshi, Buxoro “CHellenjer”larida g'alaba qozonadi. Bir nechtasida final va yarim finallargacha etib boradi. Bu g'alabalari evaziga keyingi yilni reytingda “Top 100”da boshlaydi.

2009 yildan boshlab ATP musobaqalarida ishtirok etishni boshlaydi. O'sha yili ''Rolan Garros''ning birinchi davrasida kolumbiyalik Santyago Xiraldoni to'rt setda 6/3, 6/7, 6/3, 7/6 xisobida mag'lub etadi. Biroq, ikkinchi bosqichda shveciyalik Robin Soderlingga mag'lub bo'ladi (4/6, 6/7, 4/6) va turnirdagi ishtirokini yakunlaydi.

2010 yil dastlabki davrada germaniyalik Benjamin Bekkerni (7/5,7/5,6/3) mag'lub etadi. Ikkinchi bosqichda avstraliyalik Leyton Xyuittga besh setlik qiyin kechgan bahsda yutqazib qo'yadi (6/1,3/6,4/6,6/2,2/6).

2011 yil dastlabki davradayoq mag'lubiyat qabul qilib oladi. Italiyalik Fabio Foniniga qarshi kechgan bahsda hisob 4/6,2/6,2/6 ko'rinishiga keladi.

2012 yil birinchi bosqichda rossiyalik Igor Kunicinni osonlik bilan uch setda 6/2, 6/1, 6/2 xisoblarida taslim etgan bo'lsa, ikkinchi bosqichda shunday osonlik bilan tuproqli kortlar qiroli Rafael Nadalga uch setda 2/6, 2/6, 0/6 hisobida mag'lub bo'ladi, boks tili bilan aytganda nokautga uchraydi.


2013 yilgi ''Rolan Garros''ni germaniyalik Florian Mayerga qarshi boshlaydi va hisob Istomin foydasiga xal bo'lib turgan bir vaziyatda, (4/6,6/3,7/5) raqib uchrashuvni davom ettira olmasligini bildiradi.   Ikkinchi davrada hamyurtimiz rossiyalik Nikolay Davidenkoga 4/6, 5/7, 2/6 xisobida mag'lubiyatga uchrab, musobaqani tark etadi.

2014 yilgi bahslarda dastlab Ukraina vakili Sergey Staxovskiyni 6/3, 6/4, 2/6, 6/3 hisobida mag'lub etadi. So'ngra, germaniyalik Filip Kolshrayberga 3/6, 6/7, 2/6 hisobida yutqazadi.

2015 yil. Ilk bosqichdayoq avstraliyalik Nik Kirgiosga 3/6, 4/6, 3/6 hisoblarida imkoniyatni boy beradi.

2016 yil ham birinchi davradanoq musobaqa bilan xayrlashishga majbur bo'lgan. Argentinalik Xuan Monakoga qarshi kechgan bahsda 6/3, 4/6, 3/6, 5/7 hisobida mag'lubiyatga uchragan.

O'tgan 2017 yil esa dastlab AQSH vakili Ernesto Eskobedodan 7/6, 6/3, 6/4 hisoblarida ustun keladi. Ikkinchi davrada esa janubiy koreyalik CHon Xyonga 1/6, 6/7, 1/6 hisoblarida mag'lub bo'lgan edi.

To'g'ri, tuproqli kortlar Istomin uchun omadli qoplama hisoblanmaydi. Buni natijalardan ham bilib olish qiyin emas. Yurtdoshimiz ''Rolan Garros''da faoliyati davomida uchinchi bosqichga ham chiqa olmagan. “Katta Dubulg'a” musobaqalarining asosiy to'rida odatda reytingda “Top 100” ga kirgan tennischilar qatnasha oladi. Istomin xard va chim kortlardagi yaxshi natijalari evaziga balansni ushlab turadi va doimiy “Top 100” tennischisi hisoblanadi.

Bu yilgi qura natijalari ham Denis uchun omadli keldi deya olmaymiz. Dastlabki davrada ATPning 14, musobaqaning esa 13-saralangan tennischisi hisoblangan ispaniyalik Roberto Bautista-Agutga qarshi kortga chiqadi. Bautista-Agut ko'pchilik ispan tennischilari kabi grunt qoplamali kortlarga moslashgan tennischi va xamyurtimizga ushbu uchrashuvda oson bo'lmaydi albatta.


Husniddin Mirzaliev tayyorladi