Rossiyalik bokschi Jalolovga: "CHaqiruvimni qabul qil!"

Murad Xalidov Sankt‑Peterburg shahrida o'tgan IBA.PRO 10 turnirining asosiy jangida hamyurti Sergey Kuzminni 7-raundda nokautga uchratgandi. Jang yakunlanganidan keyin Xalidov ikki karra Olimpiada chempioni Bahodir Jalolov bilan uchrashdi va uni o'zaro jang o'tkazishga chorladi. 

"Sergey Kuzmin baquvvat yigit. U zarbalar o'tkazib yubordi, lekin baribir oldinga yurishda davom etdi. "Nima bo'lyapti o'zi?" deb o'yladim. Men uning jasoratiga, matonatiga tan beraman. Og'ir jang bo'ldi, boshim qattiq og'riyapti. Sergey o'z texnikasi bilan meni hayron qoldirmadi, chunki uning qanday jang qilishini bilardim. Lekin u o'zining matonati bilan meni hayron qoldirdi. U ruhi, xarakteri, g'alabaga bo'lgan irodasini namoyon etdi. Nokaut masalasiga kelsak, hakam to'xtatgani yaxshi bo'ldi. Aks holda oqibati yomon bo'lishi mumkin edi.

Bu g'alabani rafiqamga bag'ishlayman, unga vada berganman. Men undan juda minnatdorman, u tayyorgarlik paytida menga shunchalik sabr-toqat qildi. Bunga har qanday xotin ham chiday olmaydi. Bu jangda reyting bo'yicha katta qadam tashladim.

Endi Bahodir Jalolov bilan jang qilmoqchiman. Agar u o'z nolini bu dunyoda qutqaruvchi halqa sifatida ushlab turmasa, bu jangni qabul qiladi. Bu jang ham unga oson bo'lmaydi. Bahodir, sen xarakterli yigit ekanligingni ko'rib turibman, kel, bu jangni qabul qil. Sen bilan biz muxlislarga yorqin qarama-qarshilikni namoyish etib beramiz. Umar Kremlev ham bu jangga qiziqish bildiradi", - deya Xalidovning so'zlarini keltiradi "Match TV" muxbiri.

Malumot uchun, Bahodir Jalolov ushbu turnir doirasida rossiyalik Vitaliy Kuduxov ustidan ochkolar hisobiga ko'ra g'alaba qozongan edi. Bu uning prof ringdagi 16-g'alabasi edi. Kuzmin esa professional ringda 19 ta g'alaba va 3 ta mag'lubiyat qayd etgan.