Saken Polatovni tabriklaymiz!

Saken Djetibaevich Polatov 1975 yilda tug'ilgan. U 2002 yilda Toshkent Davlat medicina institutini tugatgan. Ammo sportga bo'lgan qiziqish tibbiyotdan ustun kelib, mazkur sohada faoliyat olib bormoqda. Bugunga kelib, yurtimizning etuk sport menejerlaridan biriga aylandi. 2019 yildan MOQ vice-prezidenti hamda O'zbekiston boks federaciyasi raisining birinchi o'rinbosari lavozimida faoliyat olib bormoqda. 2021 yil Osiyo boks konfederaciyasi vice-prezidenti etib saylandi.

Takidlash joiz, O'zbekiston boks bo'yicha dunyoning etakchi davlatlardan biriga aylanishida ushbu mutaxassisning ham xizmatlari katta. SHu bilan birgalikda Saken Djetibaevich futbol menejmenti sohasida ham ulkan tajribaga ega. Jumladan, poytaxtning “Lokomotiv” futbol klubi boshqaruvida 3 marta mamlakat chempionligini qo'lga kiritib, yana 3 bor O'zbekiston kubogida zafar quchgan. Mazkur natijalarini inobatga olgan holda MOQ joriy mavsumda ushbu mutaxassisga Qo'mita qoshida tashkil etilgan “Olimpik” klubi boshqaruvini ishonib topshirdi.

Saken Polatov 2021 yilda yurtimizda sport taraqqiyoti, sog'lom turmush tarzi targ'iboti va yoshlarni vatanparvarlik ruhida tarbiyalashdagi ulkan xizmatlari uchun davlatimiz rahbari tomonidan "Do'stlik" ordeni bilan taqdirlangan.

Saytimiz o'quvchilari va ijodkorlari nomidan Saken Djetibaevichni tavallud ayyomi bilan tabriklab, u kishiga uzoq umr, sihat-salomatlik va ulkan muvaffaqiyatlar tilaymiz.