SHara Bullet Nursulton Ro'ziboev o'rniga Peyj bilan jang qilishga tayyor

Agar britaniyalik jangchining raqibi Nursulton Ro'ziboev bilan biror narsa yuz bersa, rossiyalik jangchi o'zbekistonlik sportchining o'rnini egallashga tayyor.

"Menga Peyj bilan jang qilish qiziq. Agar Ro'ziboev kasal bo'lib qolsa yoki u bilan biror narsa yuz bersa, men uning o'rniga chiqishga tayyorman. Takror aytaman, menga Peyj bilan revansh qiziq. Agar Peyj Ro'ziboevni yutsa, u men bilan jang qilishni xohlamasligi mumkin. Agar yutqazsa – balki xohlar. Nursulton esa O'zbekiston yigiti. U bilan jang qilishni unchalik xohlamayman", – dedi SHara Bullet Namys Fighting kanaliga bergan intervyusida.

Maykl Peyj va Nursulton Ro'ziboev o'rtasida o'rta vazn toifasidagi jang 5 sentyabr kuni Parijda bo'lib o'tadi. O'tgan yili Magomedovni hakamlar qarori bilan mag'lub etgan britaniyalik uchun bu jang tashkilot bilan tuzilgan amaldagi shartnomaning oxirgisi bo'ladi, shu sababli uning ligadagi kelajagi so'roq ostida qolmoqda.

SHarabutdin Magomedov o'z mag'lubiyatidan so'ng ikki bor g'alaba qozondi: u Mark-Andre Barrio va Mishel Pereyra ustidan hakamlarning yakdil qarori bilan zafar quchgan.