SHarifa Davronova – Osiyoning eng yaxshi yosh engil atletikachisi!

 Bugun Osiyo engil atletika associaciyasi vice-prezidenti, O'zbekiston engil atletika federaciyasi raisi o'rinbosari Andrey Abduvaliev ushbu sovrinni atletimizga topshirdi.

Andrey Hakimovich sportchimizni taqdirlar ekan, unga kelgusi musobaqalarda omad tiladi. Xususan, joriy yil Xitoyning Xanchjou shahrida o'tkaziladigan Osiyo o'yinlarida ham barcha undan oltin medal kutayotganini qo'shimcha qildi. O'z navbatida, SH.Davronova kelgusida kattalar o'rtasida ham yil sportchisi bo'lish uchun astoydil harakat qilishini bildirdi.

Malumot uchun, joriy yil hisobidan Osiyo miqyosida yoshlar o'rtasida o'tadigan musobaqalar yakuniga etdi. Davronova 2023 yil poytaxtimiz mezbonlik qilgan Osiyo chempionatida 13.99 metr natija qayd etgan. Bu yil davomida nafaqat qita, balki jahon miqyosida yoshlar toifasidagi eng yuqori ko'rsatkich bo'lib turibdi.