11 may 15:35
Yangiliklar

Dzyudo

SHarofiddin Boltaboev oltin medal uchun germaniyalik dzyudochiga qarshi tatamiga chiqadi

Qozog'istonning Astana shahrida dzyudo bo'yicha "Katta Dubulg'a" turkumiga kiruvchi turnir davom etmoqda.

Bugun o'rta vazn toifasida o'tkazilayotgan bellashuvlarda 5 nafar dzyudochimiz medallar hamda Parij-2024 Olimpiadasi yo'lidagi qimmatli reyting ochkolari uchun bahslarga kirishgandi. Ulardan birgina SHarofiddin Boltaboev finalga etib keldi.

-81 kg vazn toifasida yurtimiz sharafini himoya qilayotgan Boltaboev finalga qadar germaniyalik Dominik Rassel, sloveniyalik Gerkovich, neytral bayroq ostida kurashgan asli rossiyalik Olimpiada chempioni Hasan Xalmurzaev hamda yaponiyalik Satoro Fujivarani mag'lubiyatga uchratdi.

Endi SHarofiddin kechki dasturda Astana "Katta Dubulg'a" turniri chempionligi uchun yana bir germaniyalik dzyudochi Timo Kaveliusga qarshi tatamiga chiqadi. U 1/2 finalda shveycariyalik Aurelien Bonferronini taslim etdi.