SHarofiddinning "OLTIN"i evaziga 4-o'ringa ko'tarildik + FOTO

Kechagi kun O'zbekiston terma jamoasi uchun omadli keldi. -81 kg vazn toifasida yurtimiz sharafini himoya qilgan dzyudochimiz SHarofiddin Boltaboev barcha raqiblarini mag'lubiyatga uchratgan holda Tel-Aviv "Katta Dubulg'a" turniri chempioniga aylandi. Ushbu g'alaba SHarofiddinga oltin medal bilan birga Tokio Olimpiadasi yo'lidagi juda ham qimmatli bo'lgan 700 reyting ochkosini ham taqdim etdi. 

Boltaboevning oltini sabab O'zbekiston terma jamoasi medallar jamg'arish bo'yicha umumjamoa hisobida 10-pog'onadan 4-o'ringa ko'tarilib oldi. Hisobimizda 1 ta oltin, 2 ta bronza medali bor. Ikkita oltin, 1 ta kumush, 1 ta bronza medaliga ega Franciya terma jamoasi birinchi pog'onadan joy olgan. Isroil terma jamoasi hisobida barcha medallardan bittadan bor. Bittadan oltin va kumush medalni qo'lga kiritgan Sloveniya terma jamoasi kuchli uchlikka yakun yasagan.