SHaxmat va parashaxmat bo'yicha “hokim kubogi”

Parashaxmatchilar esa viloyat bosqichida to'g'ridan-to'g'ri ishtirok etdi. Musobaqa qatnashchilari 4 guruhga, yani "Havaskor qizlar", "Havaskor erkaklar", "Professional  qizlar", "Professional erkaklar" guruhlariga bo'lindi.

Final bahslari viloyat Yoshlar markazida tashkil etildi. Unda etti yoshdan etmish yoshgacha 11 ta tuman (shahar)da g'oliblikni qo'lga kiritgan ishtirokchilar o'z imkoniyatlarini sinovdan o'tkazdi. 

"Havaskor qizlar" o'rtasida o'tkazilgan musobaqada Iroda Jumaeva, "Havaskor bolalar" o'rtasida Bilolxo'ja Hasanov, "Professional qizlar" o'rtasida Sarvinoz Orziqulova, "Professional  bolalar" o'rtasida Bekzod Solijonov, parabolalar o'rtasida o'tkazilgan musobaqada Murod Isoqov, paraqizlar o'rtasida esa Gulchehra Xolmo'minova g'olib bo'ldi.

– Ushbu musobaqada 1-o'rinni qo'lga kiritdim, – deydi Bekzod Solijonov. – SHaxmatning yoshlarga foydasi katta. Xotirani mustahkamlaydi hamda kishini fikrlash va oqilona qaror qabul qilishga o'rgatadi. Yoshlar hamda hayotiy tajribaga ega insonlarni bir joyga jamlab, bu kabi ezgu tashabbuslarni ommalashtirayotgani uchun musobaqa tashkilotchilariga minnatdorchilik bildiraman.

– Eng muhimi, sportning shaxmat va parashaxmat turi bo'yicha Guliston shahrida o'tkazilgan musobaqa shaxmat sportini hududlarda yanada takomillashtirish hamda 2026 yilda O'zbekistonda bo'lib o'tishi rejalashtirilayotgan shaxmat olimpiadasiga tayyorgarlikning muhim bosqichi bo'lib, zarur bilim va tajribani boyitishga xizmat qiladi, – deydi viloyat yoshlar ishlari boshqarmasi boshlig'i Azizbek Turdimurodov.