SHohjahon Ergashevning navbatdagi jang sanasi malum, u Piterda ringga ko'tariladi

SHohjahonning olamsport.com saytiga xabar berishicha, u navbatdagi jangini 21 sentyabr kuni Sankt-Peterburg shahrida o'tkazadi. Ikki-uch kun ichida uning raqibi malum bo'ladi. Hozir muzokaralarning so'nggi bosqichi davom etmoqda.

"Jang sanasi malum. Katta ehtimol bilan ertadan keyin raqib kim bo'lishini aytishadi. 21 sentyabr kuni mening promouterligimda bokschimiz Bahrom Fozilov ham o'z jangini o'tkazadi. Mening jangim oqshomning markaziysi bo'ladi. "Koroli nokautov" nomli boks kechasi taniqli promouter Zyaki Yunusov tomonidan tashkil etilyapti. Hozir Moskvada, o'z klubimda mashg'ulotlarni o'tkazyapman", - dedi Ergashev. 

Malumot uchun, SHohjahon shu kungacha prof ringda 18 ta jang o'tkazib, ularning barchasida g'alaba qozongan. Janglarning 16 tasida raqiblarini nokautga uchratgan. So'nggi jangini 18 yanvar kuni AQSHning Ayova shtati Sloan shahrida meksikalik Adrian Estrellaga qarshi o'tkazib, o'n raundga mo'ljallangan jangning birinchi raunddayoq raqibini mag'lub etgan edi.