Sinxron suzish bo'yicha hududiy murabbiylar uchun onlayn seminar o'tkazildi

Sinxron suzish bo'yicha seminarda O'zbekiston Milliy olimpiya qo'mitasi, O'zbekiston suv sporti turlari federaciyasi mutasaddilari va hududiy murabbiylar ishtirok etishdi. Tadbirni pedagogika fanlari nomzodi, docent Galina Krasnova olib bordi. Mutaxassis o'z nutqida musobaqaga tayyorgarlik jarayoni, sportchilarning tayyorgarligiga tasir qiluvchi omillar haqida batafsil aytib berdi. SHuningdek, Galina Krasnova bu borada bir nechta misollarni keltirib, onlayn seminar ishtirokchilari bilan bilimlarini o'rtoqlashdi.

«Murabbiylar mashg'ulotlar jarayonini doimiy ravishda kuchaytirib, sportchilarning texnik mahoratini oshirishga yordam berishlari kerak. Sportchilar umumiy bazani yaxshi o'zlashtirishi lozim, chunki har yili sinxron suzish elementlari o'zgarib, ular murakkablashadi. Ammo umumiy baza bir xil bo'lib qoladi. Agar sportchi uni yaxshi o'zlashtirsa va bu borada poydevori mustahkam bo'lsa, keyingi bosqichlar qiyin bo'lmaydi. Sportchilarni tayyorlashda psixologik jihatga ham alohida etibor qaratish zarur. Har doim sportchining o'ziga xos salohiyati borligini doimo yodda tutishimiz kerak », – dedi Galina Krasnova.

Seminar yakunida mutaxassis ishtirokchilarning bugungi mavzuga oid savollariga javob berdi.