Sinxron suzish. Qizlarimiz Greciyada sovrindor bo'lishdi

Musobaqada 10ta mamlakat qatorida o'zbekistonlik sinxron suzuvchilar ham ishtirok etishdi. Terma jamoamiz azolari Highlight dasturi bo'yicha 75,63 ball jamg'arib, ikkinchi o'rinni egalladilar. Bu borada Franciya terma jamoasi vakillari birinchi bo'lishdi.

Duet chiqishlarda esa sinxronchilarimiz 73,92 ball bilan 16 juftlik ichida ettinchi bo'lishdi. Qayd etib o'tish lozimki, sportchilarimiz ilk marotaba texnik dastur namoyish eta olishdi. Ushbu mashqlar xorijiy murabbiy Tatyana Xaycer tomonidan ishlab chiqilgan. Musobaqada o'zbekistonlik xalqaro toifadagi hakam Alina Piontkovskaya ham faoliyat olib bordi.

Terma jamoamiz 18-22 iyul kunlari Budapeshtda o'smirlar o'rtasida o'tkaziladigan jahon chempionatida ishtirok etishni ham rejalashtirmoqda. Ushbu nufuzli musobaqaga hakamimiz ham taklif qilingan.