Sinxron suzish. Sportchilarimiz FINA jahon seriyasidagi musobaqada muvaffaqiyatli ishtirok etishdi

Etiborlisi, unda ishtirok etgan terma jamoamiz azolari oltin va bronza medallarini qo'lga kiritishga muvaffaq bo'lishdi.

Hamyurtimiz Xonzoda Toshxo'jaeva solo bo'yicha erkin chiqish yakunlariga ko'ra oltin medal sohibasiga aylandi. SHuningdek, jamoaviy bahslarda qizlarimiz erkin chiqishda bronza, «Highlight» doirasida birinchi o'rinni qo'la kiritdilar. Jamoaviy bahslarda yurtimiz sharafini Xonzoda Toshxo'jaeva, Anastasiya Ro'zmetova, Gulsanam Yuldasheva, Hurshida Hakimova, Alina Salieva, Anastasiya Morozeva, Anna Eltisheva, Mohira To'lqinova, Nozima To'lqinova, Nafisa SHomirzaeva va Nigora SHomansurovalar himoya qilishdi.

Sportchilarimiz ayni paytda mutloq yangi ko'rinishdagi dasturlar bilan ishtirok etishmoqda. Ushbu chiqishlar rossiyalik murabbiy Tatyana Xaytcer qo'l ostida amalga oshirilmoqda. SHuningdek, ushbu muvaffaqiyatlarda murabbiylar E.Fayzullaeva, A.Piontkovskaya va O.Bortnikovalarning xizmatlarini ham qayd etib o'tishimiz lozim.

Malumot uchun, FINA jahon seriyasi 10ta bosqichdan iborat bo'lib, ularning kamida to'rttasida ishtirok etish shart. To'plangan ochkolarga qarab, mamlakatlar reytingda o'rin egallaydilar. O'tgan yili O'zbekiston terma jamoasi dunyo reytingida uchinchi o'rinni egallagandi.

FINA Jahon seriyalarining barcha 10ta bosqichi:

1. Parij (Fraciya) shahrida 9-11 mart kunlari;
2. Pekin (Xitoy) shahrida 20-22 aprel kunlari;
3. Tokio (Yaponiya) shahrida 27-30 aprel kunlari;
4. Samorin (Slovakiya) shahrida 11-13 may kunlari;
5. Budapesht (Vengriya) shahrida 18-20 may kunlari ;
6. Madrid (Ispa niya) shahrida 25-27 may kunlari;
7. Surraey (Kanada) shahrida 31 may- 2 iyun kunlari;
8. Los-Anjeles (AQSH) shahrida 7-9 iyun kunlari;
9. Siros oroli (Greciya) 15-17 iyun kunlari;
10. Toshkent (O'zbekiston) shahrida 29 iyun – 1 iyul kunlari.

SHu yilning 29 iyun – 1 iyul kunlari poytaxtimiz Toshkent shahri ushbu jahon seriyasining so'nggi bosqichiga mezbonlik qiladi.

Sportchilarimiz endi 27-30 aprel kunlari Yaponiyada, 15-17 iyun kunlari Greciyada bo'lib o'tadigan va albatta poytaxtimiz mezbonlik qiladigan musobaqada ishtirok etadilar.

Ushbu musobaqalarda yig'ilgan reyting ballariga ko'ra, kuchli uchlikka kirgan mamlakat sportchilari Xalqaro suzish federaciyasi (FINA)ning mukofotlari bilan taqdirlanadi.