Sirdaryoda “Viloyat hokimi kubogi” musobaqasi bo'lib o'tdi

Sirdaryo viloyati hokimligi, viloyat Sportni rivojlantirish bosh boshqarmasi, viloyat dzyudo federaciyasi bilan hamkorlikda 1-oktyabr – O'qituvchi va murabbiylar kuni munosabati bilan tashkil etilgan “Viloyat hokimi kubogi” musobaqasida viloyatning barcha shahar va tumanlaridan 200 nafarga yaqin sportchi-yoshlar 10 ta vazn toifasida g'oliblik uchun tatamida bellashdilar.

Tantanali ochilish marosimida so'zga chiqqan viloyat hokimi G'.Mirzaev yurtimizda muhtaram Prezidentimiz boshchiligida jismoniy tarbiya va sportga berilayotgan etibor natijasida yoshlarimizning xalqaro sport maydonlarida olamshumul muvaffaqiyatlarga erishayotgani, birgina dzyudo sporti bilan minglab o'g'il-qizlar shug'ullanib, yuqori natijalarni qo'lga kiritayotganliklarini, shuningdek, sportchilarni dunyoning manaman degan sportchilari bilan bemalol bellasha oladigan etib tarbiyalashda murabbiylarning o'rni muhimligini takidlab, ustoz va murabbiylarni kasb bayrami bilan alohida tabrikladi.

Qizg'in va murosasiz ruhda o'tgan dzyudo bahslari yakuniga ko'ra, umumjamoa hisobida 1-o'rin Sayxunobod tumani, 2-o'rin Guliston shahri va 3-o'rin Guliston tumani sportchilariga nasib etdi. G'olib va sovrindorlarga medal, diplom, kubok va pul mukofotlari taqdim etildi.