03 jan 11:13
Yangiliklar

Boks/MMA

Sobiq UFC chempioni Brendon Morenoning navbatdagi raqibi va jang sanasi malum bo'ldi. Jiddiy sinov!

O'ta engil vazn toifasida sobiq UFC chempioni, meksikalik Brendon Moreno (21-7-2)ning navbatdagi jangi tafsilotlari malum bo'ldi.

30 yoshli Moreno o'zining keyingi jangini 25 fevral kuni o'z yurti, Meksikada tashkil etilayotgan UFC Fight Night turniri doirasida o'tkazadi. Unga iroqlik Amir Albazi (17-1-0) raqiblik qiladi.

Davogarlar jangi 5 raund etib belgilangan. Bundan tashqari, mazkur jang musobaqaning asosiy voqeyligi bo'ladi.

Eslatib o'tamiz, Brendon Moreno o'zining so'nggi jangini 2023 yil iyul oyida braziliyalik Alexandre Pantoyyaga qarshi o'tkazib, mag'lub bo'lgan va kamaridan ayrilgan edi. Amir Albazi esa oxirgi jangini 2023 yil iyun oyida Kay Kara-Fransga qarshi o'tkazib, ochkolar hisobiga ko'ra g'alaba qozongan edi.