Sobolenko Mayami bosh sovrini uchun kurashni davom ettirmoqda

Belaruslik tennis malikasi 67 daqiqa davom etgan 1/8 final uchrashuvida WTA reytingida 13-o'rinni band etib turgan chexiyalik Barbora Kreychikovani 6/3, 6/2 hisobida mag'lubiyatga uchratdi.

Arina tennischilarning o'zaro uchrashuvlaridagi hisobni yiriklashtirdi - 4:1. Sobolenko 9, Kreychikova esa 4 ta eys zarbasini amalga oshirgan. Belaruslik endi Florida turniri 1/4 finalida ruminiyalik Sorana Kirstyaga qarshi kortga chiqadi.