Sportni rivojlantirish vaziri o'zbek boksida ish boshlagan kubalik mutaxassis bilan uchrashdi

Uchrashuv davomida sportning boks turi bo'yicha Kuba tajribasidan foydalangan holda mahalliy sportchilar mahoratini oshirish, sport murabbiylarining tajribasini takomillashtirish masalalari muhokama qilindi. Xususan xalqaro murabbiy tomonidan Respublikada faoliyat yuritayotgan boks maktablarini o'rganish, mashg'ulotlarda ishtirok etish istagi borligini malum qildi.

SHu o'rinda Kuba boksi haqida. Kuba boksi havaskor boks olamida etakchilardan biri hisoblanadi. O'n to'rtta Olimpiada o'yinlarida kubalik bokschilar 41 ta medalni qo'lga kiritishgan bo'lib, shundan: oltin — 23 ta; kumush — 13 ta; bronza – 5 tani tashkil qiladi. Bu Olimpiadaning yuz yillik tarixida medal sohiblari va Olimpiya o'yinlari sovrindorlariga ega bo'lgan 61 davlat orasida beshinchi ko'rsatkichdir. Oltin medallar soni bo'yicha kubalik bokschilar dunyoda ikkinchi o'rinni egallashgan.

SHuningdek, uchrashuv davomida, viloyatlardagi sport maktablarida sportning boks turi bilan shug'ullanib kelayotgan sportchilarning ham jismonan, ham ruhan tayyorgarliklarini oshirishda xorijiy tajriba muhim ahamiyat kasb etishi takidlandi. Xalqaro darajadagi murabbiy, professor Karlos Ivan Fuentos Vilanueva yaqin kunlarda Qashqadaryo viloyatiga borishi va sport maktablarini ko'zdan kechirishni rejalashtirganini malum qildi.