Suzish. Hamyurtlarimiz dastlabki yo'nalishlar bo'yicha kuchli uchlikda borishyapti

Etiborlisi, har ikki musobaqada ham mamlakatimiz sportchilari munosib ishtirok etib, jami 40 ta medalga sazovor bo'ldilar.

Jumladan, suzish bo'yicha bo'lib o'tgan bahslarda terma jamoamiz azolari 13 ta oltin, 7 ta kumush va 11 ta bronza medaliga ega bo'lgan bo'lsalar, suvga sakrash bahslarida vakillarimiz 1 ta oltin, 5 ta kumush va 3 ta bronza medali bilan taqdirlandilar.

SHu tariqa, to'rt kunlik musobaqalarning yakunlariga ko'ra jami 14 ta oltin, 12 ta kumush va 14 ta bronza medaliga sazovor bo'lgan O'zbekiston o'smirlar terma jamoasi umumjamoa hisobida uchinchi o'rinda boryapti. Birinchi o'rinni Yaponiya terma jamoasi band etib turgan bo'lsa, ikkinchi o'rinni Xitoy vakillari egallashgan.

13 sentyabrdan suv sporti turlarining yosh toifalari bo'yicha o'tkazilayotgan IX Osiyo chempionatida sinxron suzish bahslari boshlanadi. Mazkur musobaqalarda mamlakatimiz sportchilari ham sovrinli o'rinlar uchun kurash olib boradilar.

Ayni kunlarda, shuningdek, poytaxtimizdagi “Yoshlik” sport majmuasida suv sporti turlarining yosh toifalari bo'yicha IX Osiyo chempionati dasturidan o'rin olgan suv polosi bo'yicha bahslar ham o'tkazilmoqda.