Suzuvchilarimiz ROZMIda yig'in o'tkazishmoqda

SHubhasiz, terma jamoamiz bu bilan cheklanib qolmoqchi emas. Sportchilarimiz hozirda Respublika Olimpiya zaxiralari maktab internatida yilning ilk o'quv-mashg'ulot yig'inini olib borishmoqda.

11 yanvar kuni boshlangan ushbu yig'in bir oy davom etadi. Mashg'ulotlar mobaynida murabbiylar sportchilarimizning texnik-taktik jihatlarini yaxshilash ustida ishlashmoqda. Zero, 2020 yil noyabr oyida o'tgan suzish bo'yicha O'zbekiston ochiq kubogi atletlarimizning qaysi jihatlari ustida ishlar kerakligini ko'rsatib bergan edi. 

Yig'inga 10 nafar sportchi va 2 murabbiy jalb qilingan bo'lib, aprel oyida o'tadigan licenzion O'zbekiston ochiq chempionati va boshqa xalqaro musobaqalarga tayyorgarlik vazifasini o'tab beradi.