01 mar 10:48
Yangiliklar

Taekvondo

Taekvondo. Erondagi reyting turnirida hozircha 5 ta medal

Eronning Kish shahrida taekvondo bo'yicha 3rd WT President’s Cup – Asian Region reyting turniri bo'lib o'tmoqda.

Musobaqada qatnashayotgan terma jamoamiz azolari bahslarning dastlabki kunida 5 ta medalni qo'lga kiritishdi. Erkaklar o'rtasidagi bahslarda Nikita Rafalovich (-74 kg) bronza medaliga sazovor bo'ldi.

Qizlarimizdan Svetlana Osipova (+73 kg) barcha raqiblarini mag'lub etgan holda oltin medalni qo'lga kiritdi. CHaros Qayumova finalgacha etib borib (-53 kg) kumush medalga ega chiqdi. Madina Mannopova (-49 kg) va Feruza Sodiqova (-62 kg) bronza medali sohibasiga aylanishdi.

Musobaqa davom etmoqda. Mazkur turnir nihoyasiga etgach taekvondochilarimiz Eronning o'zida «Fajr Open» reyting musobaqasida ishtirok etadilar.