Taekvondo. Svetlana Osipova Franciya ochiq chempionatida sovrindor bo'ldi

Turnirning birinchi kunida CHaros Qayumova barcha raqiblarini mag'lubiyatga uchratgan holda oltin medalga ega chiqqandi. Bellashuvlarda ishtirok etayotgan yana bir sportchimiz sovrindorlar qatoridan o'rin oldi.

+73 kg vazn toifasida yurtimiz sharafini himoya qilgan Svetlana Osipova musobaqa davomida AQSH va Franciya vakillarini mag'lubiyatga uchratib, yarim finalga yo'l oldi. Final ostonasida kechgan jangda u boshqa bir franciyalik raqibasiga imkoniyatni boy berdi va bronza medali bilan kifoyalandi.

SHu tariqa, sportchilarimiz turnirni 1 ta oltin, 1 ta bronza medali bilan yakunlashdi. Eslatib o'tamiz, ushbu musobaqa sportchilar uchun qimmatli reyting ochkolarini taqdim etishi bilan ahamiyatlidir.