Taekvondo WT. Samarqandda kadetlar bellashmoqda

O'zbekiston Respublikasi Prezidentining “Jismoniy tarbiya va sport sohasida davlat boshqaruvi tizimini tubdan takomillashtirish chora-tadbirlari to'g'risida”gi farmoni ijrosini taminlash, iqtidorli sportchilarni tanlab olish (selekciya)ning samarali va shaffof tizimini yo'lga qo'yish maqsadida O'zbekiston taekvondo (WTF) associaciyasi turli yosh toifalari o'rtasida musobaqalar o'tkazib kelmoqda.

Samarqand shahridagi yakkakurash turlariga ixtisoslashgan bolalar va o'smirlar sport maktabi saroyida Qoraqalpog'iston Respublikasi, viloyatlar va Toshkent shahridan tashrif buyurgan 400 nafarga yaqin kadetlar o'rtasida O'zbekiston kubogi bahslari boshlandi. 2004-2006 yillarda tug'ilgan o'smir-qiz o'nta vazn toifasida dayanga tushishyapti.

Associaciya bosh kotibi Abbos Latipov viloyatdagi taekvondo bazalari bilan yaqindan tanishdi, murabbiy va sportchilarning yutuq va muammolarini o'rgandi, ularni bartaraf etish bo'yicha topshiriq va ko'rsatmalar berdi.