Taekvondo. Yangi muhtasham majmuada ilk musobaqa o'tkazilyapti

Kecha ushbu muhtasham sport arenasida o'tkazilgan ilk turnirning ochilish marosimida Madaniyat va sport ishlari vazirligi, Milliy Olimpiya qo'mitasi, O'zbekiston Paralimpiya associaciyasi, SHarq yakkakurashlari va jang sanatini rivojlantirish respublika markazi, sport federaciyalari rahbarlari bilan bir qatorda Janubiy Koreyaning O'zbekistondagi favqulodda va muxtor elchisi Kvon Yon U, Koreya Respublikasining mamlakatimizdagi korxonalari vakillari ham ishtirok etishdi.

Dastlab maydon markaziga Qoraqalpog'iston Respublikasi, viloyatlar va Toshkent shahridan jam bo'lgan 300 nafarga yaqin sportchi chiqib kelishdi. O'smirlar o'rtasidagi o'tayotgan mazkur turnirda o'g'il-qizlar 10tadan vazn toifasida kuch sinashish uchun yig'ilganini aytib o'tish lozim.

Dastlabki kuni 8 vazn toifasida g'olib va sovrindorlar nomi aniqlandi. Unga ko'ra, o'smirlar bahsida poytaxt yoshlaridan tashqari, Toshkent, Farg'ona, Samarqand viloyatlari va Qoraqalpog'iston Respublikasi vakillari peshqadamlik qilgan bo'lishsa, qizlar bahsida Toshkent, Namangan, Farg'ona, Sirdaryo viloyati sportchilari shohsupadan o'rin egallashdi.

O'g'il bolalar

45 kg

1. Doniyor Yo'ldoshev (Toshkent viloyati)

2. SHerdor Arslonov (Toshkent viloyati)

3. Ulug'bek Rashitov (Toshkent)

3. Fozilbek Soatboev (Qoraqalpog'iston)

48 kg

1. SHahzod Sayfiev (Toshkent)

2. Bahodir Mirzaboev (Farg'ona)

3. Abdulbosit Mamatxonov (Andijon)

3. Ismoil Qurbonov (Samarqand)

51 kg

1. Kamoliddin Rahmataliev (Farg'ona)

2. SHohrux Tursunboev (Toshkent)

3. Behzod Abdurahmonov (Toshkent viloyati)

3. Ravshan Ikromov (Toshkent)

73 kg

1. Islom Yo'ldoshev (Qoraqalpog'iston)

2. Abdulaziz Mahmudov (Namangan)

3. Abbos Qo'shboqov (Jizzax)

3. Dostonjon CHilmuhammedov (Jizzax)

78 kg

1. Erkin Abdullaev (Toshkent)

2. Xurshid Olimjonov (Toshkent)

3. Ramil Seydametov (Qoraqalpog'iston)

3. Bobur O'rolov (Andijon)

Qizlar

42 kg

1. Dinora Muxtorova (Toshkent viloyati)

2. Intizor Abdulalimova (Namangan)

3. Gulgina Bektosheva (Farg'ona)

3. Jasmina Mamayusupova (Toshkent viloyati)

46 kg

1. Farida Berdieva (Toshkent)

2. Sevinch Muhammadjonova (Namangan)

3. Muxlisa Jumanova (Toshkent viloyati)

3. Zulayho Yusupova (Jizzax)

68 kg

1. Muhayyo Sirojiddinova (Sirdaryo)

2. Visola Hosilova (Toshkent viloyati)

3. Mo'tabar Nomozova (Toshkent viloyati)

3. Sevara Ummatqulova (Sirdaryo)

Respublika turnirining birinchi kuni g'olib va sovrindorlariga Koreya Respublikasi elchisining maxsus sovrinlari, tegishli darajadagi sertifikatlar, g'olibga “Samsung” telefonlari, sovrindorlarga taekvondochilar libosi – tabok topshirildi. Bahslar bugun o'z yakuniga etadi.