Taniqli aktrisa Kim Kardashyan Frensis Ngannu bilan munosabatlariga ishora qildi

"Men UFC sobiq jangchisi Frensis Ngannu bilan mosman, uning energiyasini o'zimda his qilaman. O'ylaymanki, kun kelib, Kamerunga tashrif buyurishdan mamnun bo'laman", - deya Kardashyanning so'zlaridan iqtibos keltiradi Reality Titbit nashri.

Eslatib o'tamiz, Frensis Ngannu 29 oktyabr tongida Saudiya Arabistoning Ar-Riyod shahrida tashkil etilgan prof boks oqshomida britaniyalik Tayson Fyuriga qarshi ringga ko'tarilgan edi. O'zining boksdagi debyut jangini o'tkazgan Ngannu o'shanda ochkolar hisobiga ko'ra mag'lub bo'lgan edi.