Tennis. "Devis kubogi". Buyuk Britaniya - O'zbekiston. PREVYU

Bugun mana shu to'qnashuv haqida bir oz malumot berib o'tishga qaror qildim.

Demak, raqiblarimiz Buyuk Britaniya tarkibidan terma jamoa ustunlari bo'lmish Endi Marrey va Kayl Edmundlar joy olishmadi. Bu biz uchun quvonarli hol albatta. Ammo ularsiz ham raqib ancha kuchli tarkibga ega.

Buyuk Britaniya tarkibidan Kemeron Norri(70), Jey Klark(173), Deniel Evans(222), Jeymi Marrey(juftlikda 11-o'rin, yakkalikda reytingga ega emas), Dominik Inglot(juftlikda 23, yakkalikda reytingga ega emas) kabi tennischilar joy olishdi. Terma jamoa kapitani Leon Smit. Umuman, raqiblarda yakkalikda uchta deyarli bir xil tabaqaga ega tennischilar mavjud. Juftlikda xam ikkita kuchli tennischiga egalar.

Endi O'zbekiston terma jamoasi tarkibi bilan tanishing: Denis Istomin(60), Jo'rabek Karimov(434), Sanjar Fayziev(516), Humoyun Sultonov(536), Farrux Do'stov(1086). Terma jamoa kapitani Petr Lebed.

Ko'rib turganingizdek terma jamoalar o'rtasida reyting bo'yicha anchagina farq bor, lekin umid xam yo'q emas. CHunki, bundan xam yomonroq bo'lishi mumkin edi. Endi Marey jarohati sabab bahslarni o'tkazib yuborsa, Kayl Edmund Avstraliya ochiq chempionatidan buyon xard kortlarda o'tkazgan uchrashuvlarining 70% ni yutqazgan. SHu sabab terma jamoa sardori uni bu bellashuvga chaqirmadi (chunki ularda boshqa termalardagi kabi tanish bilish, falonchini ukasi ekan degan narsalar yo'q. Kim yaxshi tayyorgarlikka ega bo'lsa o'sha kortga chiqadi, yoshi va tajribasidan qatiy nazar).

Endi bevosita O'zbekiston sharafini yakkalik va juftlik bahslarida himoya qilishi mumkin bo'lgan tennischilar haqida bir oz tahmin bildirsak. Yakkalikda katta ehtimol bilan Denis Istomin va Jo'rabek Karimovlar ikki martadan kortga chiqishadi. Agar hammasi joyida bo'lsa ular juftlikda ham tandem hosil qilishadi. Asosiy o'yinchilarimizdan kimdir musobaqaning ilk kuni 5 setlik uzoq o'yin o'tkazadigan bo'lsa, juftlikda ularni katta ehtimol bilan Sanjar Fayziev yoki Humoyun Sultonovlar almashtirishi mumkin. Albatta bularning barchasi shahsiy fikr. Tarkibni esa termamiz sardori Petr Lebed tuzib chiqadi.

O'zbekiston terma jamoasi tarixda "Devis kubogi" jahon bosqichiga xech qachon chiqa olmagan. Pley-off bahslarida esa yubiley - o'ninchi marta ishtirok etadi. Bu balki yaqindagina 32 yoshni qarshilagan Denis Istominning jahon bosqichida o'ynash uchun so'nggi imkoniyati bo'lishi mumkin. Nima bo'lganda xam ularni yurtimizga yorug' yuz bilan qaytib kelishlarini tilab qolamiz! Olg'a O'zbekiston!!!

Husniddin Mirzaliev