Terma jamoalarning Xanchjou-2022 Osiyo va Parij-2024 Olimpiya o'yinlariga olib borayotgan tayyorgarligi ko'rib chiqildi

Bugun Milliy Olimpiya qo'mitasida mazkur holat qay daraja yo'lga qo'yilgani, shuningdek, 2023 yil taqvim rejasidan o'rin olgan musobaqalar va ularning smetasini shakllantirish masalalariga bag'ishlangan yig'ilish bo'lib o'tdi. Tadbirni Sportni rivojlantirish vazirining o'rinbosari SHahrullo Mahmudov hamda MOQ raisi o'rinbosari SHerzod Tashmatov olib borishdi. Unda, shuningdek, Qo'mita qoshidagi Respublika sport tibbiyoti ilmiy-amaliy markazi direktori Kamol Sirojitdinov, federaciya va associaciyalar masullari ishtirok etishdi.

Dastavval, SHahrullo SHaripovich ortda qolayotgan yil yakunlari bo'yicha qisqacha to'xtalib, 2022 yil o'zbek sporti uchun tarixiy natijalarga boy bo'lgani, kelasi yil bundan ham yuqori yutuqlarga erishish uchun harakat qilinishini bildirdi. Yig'ilishda mutasaddi rahbarlar har bir federaciya masullari bilan terma jamoalarning bugungi kundagi vaziyati, Osiyo o'yinlariga jalb qilinayotgan tarkib, ularning tayyorgarlik rejasi, sportchilarning holati bo'yicha atroflicha fikr almashishdi.

SHerzod Tashmatov terma jamoalarning yanada yuqori natija ko'rsatishi, atletlarning jismoniy va funkcional tayyorgarligini oshirish maqsadida kuchli xorijlik mutaxassislarni jalb qilish bo'yicha o'z tavsiyalarini berib o'tdi. SHuningdek, suhbat davomida ommaviy sport targ'ibotini kuchaytirish, sportchilarning salomatligini nazoratga olish, muntazam ravishda ularni tibbiy ko'rikdan o'tkazib borish bo'yicha qo'shimcha ko'rsatma berdi.

Yig'ilish kun tartibiga muvofiq, uchrashuv davomida yangi yil uchun taqvim rejalarni ishlab chiqish masalasi ham ko'rib chiqildi. Bunda har bir masuldan taqvimni puxta shakllantirish, yil davomida unga o'zgartirish kiritilgan taqdirda vaqtida ogohlantirib borish, sport tadbirlarini o'tkazish uchun ajratiladigan mablag'larni samarali yo'naltirish so'raldi.