18 fev 14:47
Yangiliklar
![](/upload/storage/153157_220.jpg)
Tilovov g'alaba bilan boshladi, Diyor va Diyorada esa...
Bugun musobaqaning birinchi kuni to'rt nafar dzyudochimiz medallar hamda muhim reyting ochkolari uchun tatamiga chiqishi haqida xabar bergan edik. Hamyurtlarimizdan Muhriddin Tilovov -66 kg vazn toifasidagi bellashuvlarda uchinchi davraga yo'l oldi. To'g'ridan-to'g'ri ikkinchi bosqichdan bahslarga qo'shilgan Muhriddin gruziyalik Bagrati Niniashvilini qo'shimcha bo'limdagi vazari bahosi evaziga mag'lubiyatga uchratdi. Endi u chorak final yo'llanmasi uchun qozog'istonlik Eldos Jumakanovga qarshi tatamiga chiqadi.
Afsuski, hamyurtlarimizdan ikki nafari ilk uchrashuvlaridayoq mag'lubiyat alamini totib ko'rib, musobaqa bilan erta xayrlashishdi. -60 kg vazn toifasidagi dzyudochimiz, Rio Olimpiadasi sovrindori Diyorbek O'razboev turkiyalik Solih Yildizga, -52 kg vazndagi Diyora Keldiyorova esa franciyalik Astrid Gnetoga imkoniyatni boy berdi. Birozdan so'ng -66 kg vazndagi dzyudochimiz Sardor Nurillaev nigerlik Ismoil Alhassan bilan bellashadi.
Fikrlar