10 dek 08:05
Yangiliklar

Boks/MMA

Tishenko - Xart jangida yangi vaznning ilk chempioni aniqlandi

BAAning Dubay shahrida boks bo'yicha "IBA chempionlar oqshomi" bo'lib o'tdi.

Janglardan biri yangi vazn toifasi (101,6 kilogrammgacha) chempionlik kamari uchun kechdi. Unda havaskorlar o'rtasida Olimpiada chempioni, rossiyalik Evgeniy Tishenko (12-1, 7 KO) germaniyalik Leon Xart (22-5-1, 13 KO)ga qarshi WBA chempionlik kamari uchun ringga ko'tarildi.

Jang oltinchi raundda Tishenkoning nokautli g'alabasi bilan yakunlandi va u yangi vaznning ilk chempioniga aylandi. 32 yoshli Evgeniy Tishenko 2018 yilda professional boksda debyut qilgan. Aksariyat janglarini birinchi og'ir vazn (90,7 kg.gacha) toifasida o'tkazgan. Yagona mag'lubiyatini Janubiy Afrika Respublikasi vakili Tabisio Mchunudan qabul qilib olgan.