24 iyu 17:45
Yangiliklar
Tokio-2020. Birinchi kun o'zbekistonlik sportchilar uchun medalsiz yakunlandi
SHu tariqa o'zbekistonlik sportchilarning Olimpiya o'yinlaridagi birinchi kunidan onlayn translyaciyamiz o'z yakuniga etdi. Afsuski, birinchi kun yakunlariga ko'ra hamyurtlarimiz medal qo'lga kirita olishmadi.
Kun davomida musobaqalarda qatnashgan sportchilarimizning natijalari bilan ushbu sahifa orqali tanishing.
17:49. Sport gimnastikasida Rasuljon Abdurahimov o'z ishtirokini yakunladi. U 79,06 ball jamg'arib 66 nafar sportchi ichida 49-o'rinni egalladi.
16:12. Rasuljon paralell brus mashqlarida 14.733 ball to'pladi.
15:44. Sport gimnastikachimiz Rasuljon Abduraximov tayanib sakrash bahslarida 13.833 ball jamg'ardi. Endi u brus mashqlarini bajaradi.
13:45. Murodjon Xolmurodov 132 nafar sportchi orasida 64-natijani qayd etdi. U 234 km masofani 6 soat 21 daqiqa 46 soniya ichida bosib o'tdi. Ushbu yo'nalishda Ekvador vakili Richard Karapaz oltin medalni qo'lga kiritdi.
12:55. Xolmurodov 68-o'rinda ketmoqda...
11:29. Velosportchimiz Murodjon Xolmurodov pelaton safida ketmoqda. U 138,1 km masofani 3 soat 58 daqiqa 46 soniyada bosib o'tdi. Marragacha oz vaqt qoldi.
11:13. Denis Istomin 2 soat 34 daqiqalik o'yinni yakunladi. Hamyurtimiz afsuski ilk bosqichda hindistonlik Sumit Nagalga 4:6, 7:6, 4:6 hisoblarida yutqazib qo'ydi va musobaqadagi ishtirokini yakunladi.
10:54. Denis Istomin uchinchi setda 3:3 hisobini qayd etmoqda. Uchrashuvni jonli efirda tomosha qilishni istaganlar uchun havola > > > JONLI EFIR
10:44. -91 kg vazn toifasida hamyurtimiz Sanjar Tursunov jazoirlik Abdelxafid Benchablaga qarshi ringga ko'tarildi. Afsuski bokschimiz ilk bosqichdayoq 1:4 hisobida mag'lub bo'ldi va Olimpiya o'yinlari bilan xayrlashdi.
10:28. Bokschi Sanjar Tursunovning jangi boshlanishiga oz vaqt qolmoqda.
10:19. Istomin ikkinchi setni o'z foydasiga hal qildi - 7:6! Uchinchi setni ko'ramiz
9:12. Denis Istomin birinchi setda 4:6 hisobida yutqazib qo'ydi.
9:02. Istomin hozircha 4:4 hisobida durang o'ynamoqda.
8:50. Denis Istomin hindistonlik tennischiga qarshi o'yinni boshladi
8:32. Dzyudochimiz SHarofiddin Lutfillaev ilk jangida ukrainalik Artyom Lesyukka qarshi bahs olib bordi va afsuski imkoniyatni boy berib qo'ydi.
Tokio-2020: Ilk oltin medal egasi malum
7:52. Bokschimiz SHaxnoza Yunusova ilk bosqichda polshalik raqibasiga qarshi jang qildi va 0:5 hisobida imkoniyatni boy berib qo'ydi.
7:40. Qilichbozimiz Malika Xakimova ilk bosqichda xitoylik kuchli raqibasiga qarshi bahs olib bordi va 10:15 hisobida imkoniyatni boy berib qo'ydi. Yana bir qilichbozimiz uchun Olimpiada yakunlandi... Afsus.
7:11. Velosportchimiz Murodjon Xolmurodov shosse yo'nalishida 234 kilometr masofaga o'tkaziladigan bahslarda o'z yurishini boshladi. Ushbu yo'nalishda 130 nafar velosportchi medallar uchun kurash olib boradi.
6:58. Akademik eshkak eshish. Sobirjon Safaraliev va SHaxboz Xolmurzaev 2000 metrga eshkak eshish bahslarida 6 terma jamoa ichida 4-natijani qayd etdi. Ushbu "poyga"da Germaniya terma jamoasi marraga birinchi bo'lib keldi. Yigitlarimiz endi o'tish bahslarida ishtirok etishadi. Hali ko'p narsa yo'qotilgani yo'q. Imkoniyat bor.
5:39. Afsuski, qilichbozimiz SHerzod Mamutov 11:15 hisobida ruminiyalik raqibiga imkoniyatni boy berib qo'ydi.
5:37. Muxtasar Toxirova o'q otish bahslarida 622.2 ochko to'pladi va 33-o'rinni egalladi.
5:30. SHerzod Mamutov ruminiyalik Iulian Teodosiuga qarshi bahs bilan ishtirokini boshladi.
4:44. O'zbekistonlik sportchilarning ishtirokini o'q otish sportidagi hamyurtimiz Muxtasar Toxirova boshlab berdi. U dastlabki urinishdan so'ng 104.6 ochko to'pladi. Mazkur yo'nalishda (10 metrga miltiqdan o'q otish) 50 nafar sportchi qatnashmoqda.
4:30. Assalomu alaykum hurmatli sport ishqibozlari. O'zbekistonlik sportchilarning Olimpiya o'yinlari birinchi kunidagi ishtirokiga oid matnli translyaciyamizni boshlaymiz. Ushbu sahifa orqali barcha sportchilarimizning natijalarini tezkorlik bilan kuzatib borishingiz mumkin bo'ladi.
24 iyul kuni Olimpiadada qatnashadigan o'zbekistonlik sportchilar:
Muxtasar Toxirova - o'q otish - 4:30
SHerzod Mamutov - qilichbozlik - 5:30
SHahboz Xolmirzaev/ Sobir Safaraliev - Akademik eshkak eshish - 6:30
Murodjon Xolmurodov - velosport - 7:00
Malika Hakimova - qilichbozlik - 7:25
SHaxnoza Yunusova - boks - 7:30
Denis Istomin - tennis - 7:30
SHarofiddin Lutfillaev - dzyudo - 7:30dan so'ng
Sanjar Tursunov - boks - 10:15
Rasuljon Abdurahimov - sport gimnastikasi - 15:30
Fikrlar