Toshkent “Katta Dubulg'a” turniriga tayyorgarlikdagi muammolar o'rganildi

Hozirgi epidemiologik vaziyatdan kelib chiqqan holda Xalqaro dzyudo federaciyasi mezbonlarga musobaqani tashkil qilish bilan bog'liq bir qator jiddiy talablarni qo'ygan. 

Bugun Milliy olimpiya qo'mitasida ana shunday tashkiliy masalalar, echimini kutayotgan muammolar o'rganildi. Yig'ilishni MOQ raisi o'rinbosari, O'zbekiston dzyudo federaciyasi raisi Azizjon Kamilov olib bordi. Unda, shuningdek, MOQ Bosh kotibi Oybek Kasimov va O'zbekiston dzyudo federaciyasining boshqa vakillari ham ishtirok etishdi. 

Xalqaro federaciya qo'ygan talabga ko'ra, delegatlar yashaydigan mehmonxonalar boshqa mehmonlarni qabul qilmasligi, xodimlari barcha karantin talablariga mos ravishda faoliyat olib borishi kerak. 

SHuningdek, sportchilarning mashg'ulot o'tkazishi uchun barcha mehmonxonalar zarur tatami va trenajyor zallari bilan qoplangan bo'lishi shart. Azizjon Kamilov yig'ilishda mazkur masalalarga alohida etibor qaratish lozimligini takidlab, ushbu yo'nalishda shug'ullanayotgan mutasaddilarga o'z ishlariga masuliyat bilan yondashishlarini so'rab qoldi. 

Yig'ilishda musobaqaning translyaciya jarayonini tashkil qilish, mahalliy OAV uchun matbuot anjumani o'tkazish, transport taminoti, turnirda kurashadigan sportchilarimizning tayyorgarligi kabi yo'nalishlarda ham tegishli topshiriqlar berildi.