Toshkent mezbonlik qiladigan boks oqshomida qanday janglar tomosha qilamiz?

"O'zbekiston" sport majmuasida tashkil qilinadigan kechaning markaziy jangi hamyurtimiz Azizbek Abdug'ofurov ishtirokida bo'ladi. O'sha kuni bokschimiz vakant bo'lib turgan WBC Silver kamari uchun rossiyalik Dmitriy CHudinovga qarshi jang qiladi.

Malumot uchun, Abdug'ofurov professional ringdagi faoliyati davomida 10ta jang o'tkazib, ularning barchasida g'alaba qozongan (4tasida nokaut bilan). Tajribali Dmitriy CHudinov esa 25ta jangda qatnashgan va ularning 21tasida g'alaba qozongan (13tasi nokaut bilan). 2ta jangda mag'lubiyatga uchragan bo'lsa, yana ikkita to'qnashuvda durang qayd etgan.

Boks oqshomida shuningdek, Qudratillo Abduqahhorov, Jamshid Najmiddinov kabi taniqli bokschilarimiz ham ringga ko'tariladilar.

Jang oqshomida quyidagi janglarni tomosha qilishimiz mumkin bo'ladi:

Azizbek Abdug'ofurov – Dmitriy CHudinov (Rossiya)

Qudratillo Abduqahhorov – Tvaxa Kiduku (Tanzaniya)

Jasur Ahmadjonov – Stevi Ongen Ferdinandus (Indoneziya)

Olimjon Nazarov – Xvicha Gigolashvili (Gruziya)

Jamshid Najmiddinov – Kaxa Avetisiani (Gruziya)

Ulug'bek Sobirov – Jorji Ungiadze (Gruziya)

Anvar Turobov – Roy Muxlis (Indoneziya)

4 may kuni ushbu janglarga bag'ishlangan matbuot anjumani o'tkaziladi. O'sha kuni kechki payt esa "Nekst" savdo majmuasi hududida ochiq mashg'ulotlar tashkil qilinadi.