Toshkentda jahon standartlariga javob beradigan yopiq turdagi suv havzasi barpo etiladi + FOTO

O'zbekiston Respublikasi Vazirlar Mahkamasining 2019 yil 21 avgustdagi 694-f-sonli farmoyishiga asosan Toshkent shahri, Yashnabod tumani, Aviasozlar 1-mavzesida jahon standartlariga to'liq javob beradigan yopiq turdagi suv havzasi, yani basseynning qurilish ishlari olib borilmoqda.

Yopiq turdagi suv havzasining 1-qavatida 50x20 o'lchamdagi basseyn, sportchilar uchun oshxona, erkaklar va ayollar uchun sartaroshxona, 2-qavatida esa mamuriyat xonalari va trenajyor zali joylashadi. 3-qavatda O'zbekiston terma jamoasi azolari uchun 40 o'rinli yotoqxona quriladi. Mazkur suv havzasi shu yil sentyabr oyida to'liq foydalanishga topshirilishi rejalashtirilgan.

Ushbu zamonaviy suv havzasining ishga tushirilishi natijasida nafaqat poytaxt aholisining muntazam sport shug'ullanish ko'rsatkichi ortadi, balki 2025 yilda Toshkent shahrida bo'ladigan IV o'smirlar yozgi Osiyo o'yinlarini yuqori saviyada o'tkazish uchun yana bir muhim qadam tashlanadi. Zotan, bu kabi yirik kompleks musobaqalarni o'tkazish uchun mana shunday muhtasham sport majmualari zarur.