Toshkentda JCHga tayyorgarlik avjida, bugun WT rahbari yurtimizga keladi

Ayni kunlarda O'zbekiston taekvondo WT associaciyasi bo'lajak musobaqani yuqori saviyada tashkil etish uchun astoydil tayyorgarlik ko'rmoqda. Bizga malum bo'lishicha, mazkur jahon chempionatida dunyoning besh qitasidagi 70ga yaqin davlatdan qariyb 850 nafar o'g'il-qiz g'oliblik uchun bahs olib borishadi.

O'zbekiston kadetlar terma jamoasi jahon chempionatida 20 nafar sportchi (10 nafar o'g'il, 10 nafar qiz) bilan ishtirok etadi. Sportchilarimizni ushbu musobaqaga istedodli murabbiylar Sobir Nazaraliev hamda Jasur Boyqo'zievlar tayyorlashdi.

Musobaqaga 7 avgust kuni soat 9:00dan start beriladi. Bellashuvlarni o'g'il bolalar o'rtasida 65 kilogacha bo'lgan vazn toifasidagi atletlar boshlab beradi. Tantanali ochilish marosimi esa shu kuni soat 17:00ga belgilangan. Jahon chempionati bahslari poytaxtimizdagi “Universal” sport saroyida bo'lib o'tadi.

Bugun chamasi kechki soat 20:00da yurtimizga jahon taekvondo federaciyasining prezidenti, 9-dan qora belbog' sohibi, doktor CHung Van CHoy tashrif buyuradi. Safar davomida faxriy mehmon O'zbekiston Milliy universiteti qoshida ochilgan Taekvondo fakultetida bo'lib, bu erda yaratilgan shart-sharoitlar bilan tanishadi. 

SHuningdek, Universitet rahbariyati bilan ham uchrashuv belgilangan. Qolaversa, mamlakatimiz sportining mutasaddi rahbarlari ham janob CHoyni qabul qilishi rejalashtirilgan.

Taekvondo WT bo'yicha kadetlar o'rtasidagi jahon chempionati bahslari esa 10 avgust kuni yakuniga etadi.