Toshkentda o'tkazilayotgan xalqaro mashg'ulotdan FOTOREPORTAJ

Mashg'ulotlar "Universal" sport saroyida kuniga ikki mahaldan o'tkazilayotgan bo'lib, barcha ishtirokchi davlat terma jamoalariga shu oyning o'zida Gruziya mamlakati mezbonlik qiladigan Tbilisi "Katta Dubulg'a" turniriga to'g'ridan-to'g'ri tayyorgarlik vazifasini o'tab beradi. 

O'zbekiston Milliy olimpiya qo'mitasi raisi o'rinbosari, mamlakat dzyudo federaciyasi raisi Azizjon Kamilov bevosita "Universal" saroyida mashg'ulotlarni kuzatdi va uning yakunida murabbiylarimiz bilan suhbatashdi. 

Tabiiyki, bu xalqaro yig'in barcha ishtirokchi mamlakat dzyudochilari uchun foydali bo'lmoqda. O'zbekiston dzyudo federaciyasi tomonidan mashg'ulotlarning yuqori saviyada o'tkazilishi uchun barcha zaruriy sharoitlar yaratilgan. Bundan mehmonlarning o'zlari ham mamnun. 

Takidlash joiz, bu Toshkentda o'tkazilayotgan birinchi xalqaro mashg'ulot emas. O'tgan yilning noyabr va dekabr oylarida ham poytaxtimizda Franciya, Misr, Gruziya, Qirg'iziston, Rossiya kabi davlat terma jamoalarining qo'shma mashg'uloti tashkil etilgan edi.