Toshkentda Ulug'bek Haqberdiev, Bekzod Isadullaev ishtirokida prof boks oqshomi o'tkazildi FOTOREPORTAJ

Boks oqshomi kardidan ancha tajribali hisoblangan Ulug'bek Haqberdiev (12-0-0, 7 KO), Bekzod Isadullaev (9-0-0, 8 KO), SHukurjon Rahimov (6-0-0, 3 KO) singari charm qo'lqop ustalarimiz ishtirokidagi janglar o'rin olgandi. Bu esa boks muxlislarining qiziqishiga sabab bo'ldi. 

Nomlari tilga olingan uchchala bokschi ham o'z janglarini muddatidan avval yakunlashdi. SHukurjon Rahimov 6 raundga mo'ljallangan jangda qozog'istonlik Bagdat Uaydaevni 3-raundda texnik nokautga uchratdi. Aynan shu jang oqshomning markaziy jangi bo'ldi. 

Ulug'bek Haqberdiev yana bir ko'zga ko'ringan bokschimiz Anvar Turopovni 8 raundlik jangning 2-raundida texnik nokautga uchratdi va o'zining prof boksdagi 12-g'alabasini qo'lga kiritdi. Uning muddatidan avval qozongan g'alabalari soni 7 taga etdi. 

Abbosxon Yo'ldoshevga qarshi jangdagi ishtiroki bilan tanilgan Bekzod Isadullaev esa xorazmlik Maqsadbek Matyazovni birinchi raunddayoq nokaut evaziga mag'lubiyatga uchratdi.  

Prof boks oqshomidan jami 12 ta jang o'rin olgan bo'lib, ularning 8 tasi muddatidan avval yakuniga etdi. Qolgan 4 ta jang g'olibi hakamlarning qaroriga ko'ra aniqlandi. Akbarjon Asqarov Jahongir Normatovni birinchi, Javohirbek Fozilov Qobiljon Bobojonovni birinchi, Sunnatilla O'ktamaliev Azizbek Ro'zmetovni ikkinchi, Farhodbek Arabjonov Rustam Qodirovni ikkinchi, Muhammadnuriddin Kimsanboev Asror Mahkamovni birinchi raunddayoq muddatidan avval mag'lubiyatga uchratdi.  

Ixtiyor Abduqodirov Azizjon Arzievni, Ahmad Mamajonov Jamshid Xudoyberganovni, SHerzodjon Habibov Jasur Ahmadjonovni, SHahzod Sulaymonov Sindor Bahriddinovni hakamlar qaroriga ko'ra, ochkolar hisobi bilan mag'lub etishdi.