Trampolinchimiz Jahon kubogida yurtimiz sharafini himoya qiladi

30 mamlakatdan 150 dan ortiq sportchi qatnashadigan mazkur musobaqada terma jamoamiz vakili Farangiz Ro'zieva ham ishtirok etadi. Takidlash joiz, ushbu turnir Tokio Olimpiadasi yo'lida qimmatli reyting ochkolarini taqdim qiladi.

Musobaqa dasturiga ko'ra, har bir ishtirokchi ikki erkin dastur bo'yicha murakkab elementlardan tashkil topgan chiqishlarini namoyish qiladilar. Bu borada Farangiz Ro'zieva Anna Kasparyan qo'l ostida musobaqaga puxta tayyorgarlik olib bordi. Bokuda 2 kun davom etadigan musobaqaning birinchi kunida saralash bahslari o'tkazilsa, ikkinchi kuni final bellashuvlari bo'lib o'tadi.

Sportchimiz haqida: Farangiz Ro'zieva 1999 yil Toshkent shahrida tug'ilgan. O'zbekiston Davlat Jismoniy tarbiya va sport universiteti 2-bosqich talabasi. O'zbekiston chempioni, qator xalqaro turnirlar g'olib va sovrindori, 2018 yil Indoneziyada o'tkazilgan Osiyo o'yinlari ishtirokchisi.

Xurshida ABDIKULOVA O'zJOKU talabasi