Tunisda Taekvondo WTF federaciyasining 29-Bosh assambleyasi bo'lib o'tdi

Aynan Xammametda 9-13 aprel kunlari o'smirlar o'rtasidagi jahon chempionati bahslari ham bo'lib o'tadi. Kecha “Sol Azur Beach” mehmonxonasida ushbu tadbir doirasida Butunjahon taekvondo federaciyasining 29-Bosh assambleyasi bo'lib o'tdi. 

Unda kun tartibidan o'rin olgan bir qator masalalar bilan birga sport turining yangi qonun-qoidalari, 2017 yil yakunlari, taekvondoni yanada rivojlantirish chora-tadbirlari, joriy yilda Argentinaning Buenos-Ayres shahrida o'tkaziladigan yoshlar o'rtasidagi Olimpiya o'yinlari bahslarini munosib tashkil etishga doir vazifalar kelishib olindi.

Malumot uchun, ushbu Assambleyada O'zbekiston taekvondo (WTF) associaciyasi bosh kotibi Abbos Latipov ham ishtirok etdi.